Народната Банка предвидува пораст од 2 до 3 проценти на бруто домашниот производ и инфлација од исто толкав процент во Македонија. Гувернерот Петар Гошев изјави дека во проекцијата за растот се вклучени и најавените капитални инвестиции за догодина, а дали тие владата ќе го реализира или не тоа е нејзина работа. Тој додаде дека и идната година ќе продолжи политиката на стабилен девизен курс, а 2011 -та година треба да биде почеток за позабележително закрепнување на економијата.
