Грција на 48 часа го забрани испраќањето пошта во странство, откако пакети бомби беа испратени во некои странски амбасади во Атина. Вчера мали бомби експлодираа во амбасадите на Швајцарија и на Русија, а полицијата изврши контролирани детонации на експлозиви испратени во дипломатските претставништва на Чиле и на Бугарија. Пакети бомби биле испратени и во канцеларијата на германската канцеларка Ангела Меркел во Берлин и до италијанскиот премиер Силвио Берлускони. Две лица биле уапсени во Атина, осомничени дека се учесници во испраќањето пакети бомби, а се смета дека зад ова стојат грчките анархистички екстремисти.