Гласачите во американската држава Калифорнија, на вчерашните избори, покрај за нов гувернер, гласаа и на референдум за легализација на марихуаната. Меѓутоа, според првичните резултати, гласачите го отфрлиле предлогот за слободно консумирање, одгледување и продажба на марихуаната. Инаку, нов гувернер на Калифорнија, наместо досегашниот – Арнолд Шварценегер, ќе биде демократот Џери Браун, кој беше на оваа функција од 1975 до 1983-та година.
