Соединетите Американски Држави соопштија дека најголемите светски нафтени компании се сложиле да ги прекинат нивните бизнис врски со Иран за да ги избегнат санкциите, а меѓу нив се француската компанија Тотал, норвешката Статоил, како и италијанската ЕНИ и Ројал Дач Шел. САД реши да спроведе санкции врз енергетските фирми со цел да го изолира Иран и да се предизвика притисок врз земјата да прекине со нејзината нуклеарна програма. Заменикот на државниот секретар, Џејмс Стајнберг изјави дека и други големи компании се под истрага и можат да се соочат со последици доколку не ја престанат соработката со исламската република.