Мисијата на Меѓународниот Монетарен Фонд денеска во Белград ги започна преговорите со претставници на српската влада петтата ревизија на стенд бај аранжманот во вкупен износ од околу 3 милијарди евра. Главна тема е Законот за фискална одговорност, односно до кое ниво може Србија да се задолжува, а ќе бидат разгледани и макро-економските движења, како и извршувањето на досега превземените обврски. Преговорите ќе траат до 31-ви овој месец и ако бидат успешни, Србија ќе може да повлече нова рата од кредитот.