Украинската група за слобода на медиумите „Стоп за цензурата“ соопшти дека новинарите ќе излезат на протест, поради нарушувањето на слободата на говор во последните шест месеци, откако е на власт претседателот Виктор Јанукович. Според нивното соопштение зголемена е бројката на случаи во кои новинарите биле спречени да ја извршуваат својата работа и биле цензурирани. Најавата за протестот е пред одлуката на судот дали опозициските и западно европските медиуми ТВИ и Канал 5 легално ги добиле нивните лиценци за работа.
