Грузиската влада ја критикуваше денешанта посета на рускиот претседател Дмитри Медведев на отцепениот регион Абхазија. Грузискиот заменик премиер Темот Јакобашвили изјави дека посетата на Медведев е да го отргне вниманието од своите домашни проблеми со пожарите, и дека со тоа не е сменето ништо во кавказкиот регион. Медведев денеска отпатува во ненајавена посета на Абхазија на одбележување на две годишнината од руско-грузиската војна , кога руските трупи извршија инвазија во Грузија, во поддршка на другиот отцепен регион, Јужна Осетија. Медведев денеска разговараше со бунтовничкиот лидер Сергеј Багапш, и вети дека ќе се развие целосна политичка, економска и безбедносна соработка со Абхазија.
