Поплавите предизвикани од поројните дождови во Северна Кореја уништиле домови, патишта, железници и обработливо земјиште, јавуваат државните медиуми. Штетите се најлоши во источната провинција Јужен Хамкјонг , во северната провинција Северен Пјонган близу до границата со Кина и провинцијата Хвангае на југот од земјата. Властите се среќаваат и му помагаат на населението погодено од поплавите. Медиумите не соопштуваат дали при поплавите има жртви.
