Портпаролот на руските ракетни сили Вадим Ковал денеска изјави дека руското нуклеарно оружје е oбезбедно од пожарите кои неколку недели беснеат во земјата. Тој прецизира дека оружјето се чувало во објекти кои можат да издржат громови, прекин на електрична енергија и пожари. Во шумските пожари предизвикани од топлото време досега загинале 50 луѓе, стотици биле повредени, а илјадници останале без своите домови.
