Вработените во атинското метро за денеска најавија 24-часовен штрајк кој ќе го блокира превозот во главниот град на Грција. Тие преземаат таков потег во знак на солидарност со повеќе од 280 колеги на кои им се заканува опасност да ја изгубат работата. Сите вработени во јавниот превоз и за утре најавија петчасовен прекин на работата поради намалувањето на платите и неповолните промени во системот на социјалната заштита.
