Владата на вчерашната седница го утврди предлогот за ребаланс на Буџетот за 2010 година. Со ребалансот на Буџетот на бруто основа заштедени се околу осум милијарди, а на нето основа четири милијарди и седумстотини милиони денари, објави министерот за финансии Зоран Ставрески. Со ребалансот на Буџетот се предвидува усогласување на буџетските расходи со остварувањата на буџетските приходи и проекциите до крајот на годината со цел да се задржи непроменето вкупното ниво на буџетскиот дефицит на 2,5 проценти од бруто домашниот производ.
