Казахстанскиот претседател Нурсултан Назарбаев,изјавил дека нема да го потпише контроверзниот нацрт закон со кој му се овозможува на претседателот да има посебни привилегии додека е жив. Минатиот месец, парламентот подготви а потоа и брзо го изгласа предлог-законот, според кој на "водачот на нацијата", ќе му се овозможи да ги задржи сите овластувања и тогаш кога ќе се повлече од функцијата. Нацрт договорот исто така му овозможува на Назарбаев имунитет во случај кога против него би имало истрага и го заштитува него, но и неговиот имот од конфискација.