Во Велика Британија започна броењето на гласачките ливчиња од парламентарните избори што се одржаа вчера. Според досега изброените ливчиња, опозициските Конзервативци освоиле 224 пратенички места, Лабуристите на премиерот Гордон Браун 168 и Либералдемократите засега имаат 36 пратенички места, пренесуваат новинските агенции. Централно десничарските Конезервативци се надеваат дека во Британија ќе дојде до промени и дека тие ќе ја преземат власта од Лабуристичка влада, која е на власт во последниве 13 години.