Грчката полиција со солзавец им се спротистави на демонстрантите кои се бунат против владините мерки за штедење, воведени со цел земјата да добие пакет помош од Европската унија и Меѓународниот монетарен фонд. Протестите се случуваат за време на генералниот штрајк поради кој воздушниот сообраќај е во прекин и повеќето јавни сервиси не работат. Жителите на Грција се загрижени дека владините мерки може да предизвикаат зголемување на даночните давачки и кратење на пензиите. Во меѓувреме, германскиот Парламент денеска почна со дебатата за предлогот на Грција да и се испрати најголемиот дел од првата рата помош. Предвидено е во следниве три години Грција, која е заглавена во долгови, да добие 110 милијарди евра помош.