Делегацијата на Собранието на Република Македонија, предводена од претседателот Трајко Вељаноски, која е во посета на Народна Република Кина денеска учествуваше на свеченото отворање на светската изложба Шангај Ескпо 2010. По тој повод, Вељаноски, како што соопшти неговиот Кабинет, имаше средба со претседателот на Кина Ху Џинтао кој во чест на гостите приредил свечена вечера. Претседателот на Собранието изразил уверување дека организацијата на Експо 2010 ќе ја следи успешноста на олимписките игри во Пекинг.
