Рускиот претседател Дмитриј Медведев пристигна во официјална посета на Норвешка при што се очекуваат разговори за долгогодишните несогласувања околу меѓусебната поморска граница. Од 1970-та година Норвешка и Советскиот Сојуз, а подоцна Русија, се спорат за околу 176 илјади километри квадратни во Баренцово Море, каде што се смета дека има големи ресурси на нафта и гас. Пред пристигнувањето во Осло, Медведев изјави дека е можно двете земји да постигнат договор за демаркација на границата.
