Шефот за надворешна политика на Европската Унија, Кетрин Ештон побара од Израел веднаш да започне преговори со Палестинците. Соединетите Американски Држави, Обединетите нации, Русија и Европската унија, оценија дека едностраните потези без оглед дали се од Палестинците или од Израел, не придонесуваат за продолжување на мировните преговори. Американскиот државен секретар Хилари Клинтон му порача на изарелскиот премиер Бенјамин Нетанјаху дека со одобрувањето на планот за градба на 1600 куќи во источен Ерусалим испраќа многу негативен сигнал.
