Белгискиот државен секретар за азил и имиграција, Мелкиор Ватле во придружба на македонскиот вицепремиер, Абдулаким Адеми и министерот за труд и социјала, Џелал Бајрами, денеска го посети Липковскиот регион. Ватле им посочи на жителите во тој регион дека нема шанса за економски азил во Белгија, но уште еднаш повтори дека визната либерализација на Македонија не е доведена во прашање.
