Пакистанската национална телевизија објави дека лидерот на Талибанците во земјата, Хакимулах Мехсуд починал од повредите, кои ги доби во американскиот ракетен напад месецов. Потпаролот на Талибанците ја негираше информацијата, а пакистанската војска отворила истрага. Телевизијата соопшти дека Мехсуд починал во куќата на таткото на неговата сопруга во западен Вазиристан во близина на границата со Авганистан.
