Холандските власти соопштија дека на аеродромите ќе започнат да користат целосни скенери за тело за патниците кои заминуваат за Соединетите Американски Држави, по обидот за терористички напад на американскиот авион кој леташе од Амстердам кон Детриот. Вчера американскиот претседател Барак Обама соопшти дека катастрофалната грешка на обезбедувањето дозволила 23 годишниот нигериец да се качи на авионот и покрај тоа што бил осомничен дека има врски со Ал Каеда и по предупредувањата на неговиот татко.
