Меѓународната заедница искажува загриженост од разузнавачките податоци дека Иран се обидува да увезе 1350 тони чиста ураниумска руда од Казахстан, што е кршење на санкциите на Советот за безбедност на Обединетите Нации. Засега нема реакција од Техеран, а портпарол на казахстанското министерство за надворешни работи изјави дека сите активности на Казахстан во врска со ураниумот се во согласност со правилата на Меѓународната Агенција за Атомска Енергија. Портпарол на Стејт Департментот изјави дека трансферот на чиста ураниумска руда за Иран е јасно кршење на санкциите на Обединетите Нации.
