Еден американски државјанин бил уапсен во Северна Кореа поради илегално влегување во таа земја, јави корејската државна новинска агенција. Во информацијата се прецизира дека станува збор за, како што се оценува, милитантен христијански верник кој бил уапсен во неделата кога преку Кина влегол во Северна Кореа. Здружението ,,Живот и слобода за сите во Северна Кореа,, пред два дена соопшти дека нивниот член, 28 годишниот Роберт Парк минал на севернокорејска територија по што веднаш бил уапсен.
