Стотици полицајци се распоредени денеска во иранскиот главен град Техеран поради страхувањата дека опозиционите приврзаници би можеле да го искористат денешниот шиитски верски ритуал за нови анти-владини протести. Според очевидци и некои опозициони веб страници, полициски сили се присутни на клучните места во центарот на Техеран, а посебно се концентрирани околу Универзитетот. Според непотврдени информации, полицијата со солзавец и употреба на сила интервенирала во некои делови на градот.