Романскиот уставен суд ги прогласи за важечки резултатите од претседателските избори на 6 декември на кои за нов претседател беше избран Трајан Басеску. Социјал демократската партија поднесе жалба до судот откако нивниот лидер Мирчеа Џоана кој му беше противник на Басеску соопштил дека тој му ги украл гласовите преку масовна измама. Басеску го победи Џоана за 70 000 гласови.
