Вознемирен Иранец фрлил чевел врз ирачкиот новинар кој беше затворен затоа што со чевел го гаѓаше поранешниот американски претседател Џорџ Буш. Новинарот Мунтазер ал Заиди вешто го одбегнал чевелот на прес конференција во Париз, на која зборувал за жртвите во војната. По нападот се пошегувал велејќи дека неговaта „техника е украдена“. Ал Заиди одлежа 9 месеци за напад врз претседател на држава.
