Генералниот секретар на ОН, Бан Ки Мун говорејќи на самитот за храна во Рим, изјавил дека постигнувањето на договор за климатските промени на самитот во Копенхаген е од клучно значење за глобалната борба против гладот. Бан Ки Мун изјавил дека до 2050-та на земјата можат да живеат и повеќе од 9 милијарди луѓе, а зголеменото население допринесува за промена на климата, која пак доведува до немање на вода, до суши, а времето станува се понепредвидливо, рекол генералниот секретар на ОН.. Околу 60 шефови на држави, министри за земјоделство и други високи функционери, присуствуваат на тридневниот самит, чиј домаќин е шефот на Светската агенција за храна.