Делегација од Министерството за одбрана, предводена од министерот Зоран Коњановски, денеска ќе престојува во работна посета на Здружената команда на НАТО во Неапол. Посетата, како што се наведува во соопштението од Министерството за одбрана, се реализира на покана од командантот, адмирал Марк Фитџералд, и е во насока на продлабочување на досегашната билатерална соработка меѓу Министерството за одбрана, Армијата на Македонија и Здружената команда на НАТО во Неапол.
