Генералниот секретар на Обединетите нации Бан Ки Мун денеска повика на меѓународна акција за справување со заканите од промената на климата на Земјата. Според него, светот, ако сака да ги спречи катастрофалните последици, има помалку од 10 години за да го запре емитувањето штетни гасови. Инаку, денеска во Бон почнува неколкудневна конференција како подготовка на договорот за глобалното затоплување што кон крајот на годинава треба да биде усвоен во Копенхаген.
