Турскиот Премиер Реџеп Таип Ердоган денеска ги повика кинеските власти да ја запрат "асимилацијата" на Ујгурите, изразувајќи ја повторно солидарноста на Турција со Ујгурите, кои живеат во автономниот Синџанг-Ујгурски регион, кој беше опфатен од безредија, потсетија агенциите. Ердоган повторно ги спомена етничките безредија во Синџнаг кои траат со недели во кои според соопштението на кинеските власти досега загинаа 184 лица.
