Иранскиот претседател Махмуд Ахмадинеџад денеска ги обвини своите противници дека користат тактики за омаловажување слични на тактиките на Адолф Хитлер. Актуелниот ирански Претседател додаде дека неговите противници може да добиат затворски казни поради ваквите навреди. Претседателскиот кандидат Мирхосеин Моусави претходно го обвини Ахмадинеџад дека лаже за економската ситуација во земјата. Инаку, денеска е последен ден од предизборната кампања во Иран.
