Стотина косовски Срби половина час го блокираа патот во Северно Косово, во знак на протест против поставувањето на царински пунктови на границата меѓу Србија и Косово. Демонстратите мирно протестираа на административниот премин Јариње кај Лепосавиќ, поради намерата на ЕУЛЕКС да воведе царина на стоки кои пристигнуваат од централна Србија. За време на протестите сообраќајот меѓу Рашка и Митровица беше запрен.
