Претседателот на иранскиот парламент Али Лариџани денеска изјави дека светските сили мора да го прифатат Иран како нуклеарна сила. Лариџани зборувајќи во Парламентот изјави дека Советот за безбедност на ОН нема причина да се противи на иранската нуклеарна технологија за мирољубиви цели. Неговиот коментар доаѓа откако петте земји членки на Советот за безбедност, плус Германија, му понудија на Иран директни разговори за нуклеарната програма на земјата.
