Серија силни земјотреси го потресоа во текот на изминатата ноќ индонезискиот остров Суматра откако вчера тој беше погоден од земјотрес со интензитет од осум запирка четири степени според Рихтеровата скала. Во градот Паданг биле урнати многу згради, а властите се уште го утврдуваат бројот на жртвите. Според последните информации, најмалку девет луѓе загинале, а пеесетина биле повредени. И покрај неколкуте тревоги досега нема појави од цунами.
