Повеќе од 50 лица загинале во судирите меѓу приврзаниците на т.н. шиитска милиција лојални на верскиот водач Моктада ал Садр и полицијата во ирачкиот град Кербала. Судирите се случиле за време на одржувањето на шиитски религиозен фестивал поради што во градот биле собрани повеќе илјади верници. Ирачките власти соопштија дека во градот поради судирите ќе биде испратено дополнително засилување.
