Американскиот помошник државен секретар Даниел Фрид, денеска ќе престојува во Приштина на разговори со косовското раководство. Се очекува да ги информира за американско – руските консултации во врска со статусот на Косово. Во меѓувреме, рускиот шеф на дипломатијата Сергеј Лавров денеска повтори дека каква било резолуција за Косово, која нема да биде прифатлива и за Белград и за Приштина, нема да помине во Советот за Безбедност на Обединетите Нации.