Премиерот на Србија Воислав Коштуница денеска во Санкт Петербург ќе разговара со претседателот на Русија Владимир Путин за статусот на Косово. До овие разговори доаѓа на маргините на меѓународниот економски форум во овој град, а само еден ден откако на самитот на Групата осум најразвиени земји во светот што вчера заврши во Германија не беше постигната согласност за Косово.
