Американскиот сојузен суд во Александрија отфрли да покрене судски процес во врска со обвинувањето на германскиот државјанин Калед ел Масри дека во Македонија бил киднапиран од ЦИА и неколку месеци бил испрашуван во таен затвор во Авганистан. Неговата тужба е одбиена под образложение дека евентуалниот судски процес ќе претставува ризик за американските државни тајни. ,,Приватните интереси на Ел Масри мора да бидат под националните интереси во заштитата на државните тајни,“ изјави судијата Томас Елис.
