Македонскиот премиер Владо Бучковски кој престојува во Стразбур, денеска ќе се обрати на Пролетното заседание на парламентарното собрание на Советот на Европа. Тој ќе говори за односите и унапредувањето на соработката на Македонија со Советот на Европа. Во меѓувреме, во Брисел министерот за надворешни работи Илинка Митрева денеска ќе има состанок со еврокомесарот за правда Франко Фратини, како и со амбасадорите на НАТО. Главна тема, како што е најавено, ќе биде можноста за либерализација на визниот режим за македонските граѓани.