Повеќето владејачки партии во земјите членки на Европската Унија се поразени на првите избори за Европскиот парламент по проширувањето на Европската Унија. Освен тоа, овие избори беа обележани и со рекордно мал одѕив на избирачите, нешто помалку од четириесет и пет насто. Според аналитичарите, гласачите на ваков начин ги казниле владите кои ја поддржуваат војната во Ирак и кои спроведуваат тешки економски реформи. Тоа особено е изразено во новите десет членки на Унијата. Владејачките партии победија само во Шпанија, Грција и Словачка.
