Францускиот премиер Жан Пјер Рафарен изјави дека и покрај победата на опозицијата на регионалните избори во земјата, социјалните реформи мора да продолжат, но сепак најави измени во политиката на владата. Левичарската опозиција победи во 21 од 23-те региони за кои се познати резултатите. Овие избори немаат влијание врз парламентарното мнозинство на десницата во Франција, но се показател на популарноста на претседателот Жак Ширак и на неговата партија која е на власт.
