Американскиот претседател Џорџ Буш, по средбата со генералниот секретар на Обединетите Нации Кофи Анан, изјави дека евентуалното распоредување американски војници во Либерија зависи од тоа дали претседателот Чарлс Тејлор ќе ја напушти земјата. Во врска со контроверзните разузнавачки информации за тоа дека Ирак пред војната се обидел да набави ураниум од Африка, Буш повтори дека е убеден оти Садам Хусеин настојувал да развие оружје за масовно уништување.
