Прва прес конференција на ДИК
Гласањето се одвива мирно и без неправилности
Одзивот, до 9 часот, е 2,45%
Граѓаните кои веќе гласаа, велат дека нема никакви проблеми и оти гласањето се одвива вообичаено, како и на избори.
Во општина Битола и пелагониските општини Новаци, Могила и Демир Хисар гласањето тече без проблеми. Од Општинските изборни комисии изјавија дека утрово сите гласачки места на време беа отворени и до сега не се забележани никакви проблеми.
Сите 167 избирачки места во Општина Куманово се отворени на време.
Според Звонимир Николовски и Драган Јовановски, претседатели на ОИК во Куманово и Старо Нагоричане, изминатите два часа од почетокот на гласањето не се регистрирани никакви нерегуларности.
МОСТ: отворањето на гласачките места без проблеми
Отворањето на гласачките места помина без регистрирани проблеми. Гласачкиот материјал е доставен на сите гласачки места, а уредувањето на гласачките места е на начин што ја запазува тајноста на гласањето.
Ова на денешната прва прес-конференција го соопшти извршниот директор на МОСТ Дарко Алексов.