Достапни линкови

Во Сао Паоло денеска нема да има штрајк


Вработените во метротото во Сао Паоло нема да одржат штрајк на денот на отварањето на Мундијалот

Вработените во метрото во бразилскиот град Сао Паоло решија да не го продолжат штрајкот, кој би предизвикал проблеми во движењето на фудбалските навивачи, кои денеска ќе го проследат натпреварот на отварањето на Светското првенство во фудбал.

По петте дена штрајк, кои предизвикаа хаос во 20 милионскиот мегалополис, вработените во метрото одлучија да не го продолжуваат штрајкот и покрај тоа што властите не ги исполнија нивните барања да бидат вратени на работи 42-ца нивни отпуштени колеги.

„Застанавме пред една многу силна Влада и го парализиравме најголемиот град во Латинска Америка. Добивме значително зголемување на платите, но решивме да запреме“, изјави претседателот на синдикатот.
XS
SM
MD
LG