Достапни линкови

Градоначалникот на Вевчани не знае какви маски ќе има на карневалот


До последниот момент се кријат маските, а дури не знаеме ниту нашите деца во што ќе се маскираат. Тоа е традиција во Вевчани, така било и така ќе биде. Ако нешто се обидеме тука да делуваме, ќе постигнеме контра ефект. Маските не ги знаеме и не можеме да ги знаеме, вели градоначалникот Цветомир Угриноски.

Ниту на овој Вевчански карневал, како што е традиција, до последен момент нема да се знае какви маски ќе се појават. И покрај протестите на граѓаните од муслиманска вероисповест пред две години кога тие негодуваа дека Вевчанци биле облечени во маски навредувачки и иритирачки за нив, кои ја навредувале нивната вера, организаторите рекоа дека воопшто не знаат какви маски ќе има и дека не сакаат да се мешаат во тоа. Тоа било традиција и ќе остане така вели Цветомир Угриноски, градоначалник на Вевчани.
Како организатори ние немаме право во двете василичарски друштва Горно и Долно Маало да се мешаме бидејќи ќе постигнеме контра ефект.
Цветомир Угриноски, градоначалник на Вевчани.

Цветомир Угриноски, градоначалник на Вевчани.
Цветомир Угриноски, градоначалник на Вевчани.
„Како организатори ние немаме право во двете василичарски друштва Горно и Долно Маало да се мешаме бидејќи ќе постигнеме контра ефект. Затоа тука нема никој право да се меша и не знаеме какви маски ќе имаме сè до оној момент додека ги видиме. До последниот момент се кријат маските, а дури не знаеме ниту нашите деца во што ќе се маскираат. Тоа е традиција во Вевчани, така било и така ќе биде. Ако нешто се обидеме тука да делуваме, ќе постигнеме контра ефект. Маските не ги знаеме и не можеме да ги знаеме“, рече Угриноски.
Започнуваме и со промотивна кампања која ќе биде проследена и во соседните држави на Балканот.
Ема Темелковска, Агенција Идеа Лаб.

Ема Темелковска од Агенцијата Идеа Лаб, која е вклучена во организацијата на карневалот, вели дека прават напори сè да помине во најдобар ред годинава. Се очекува далеку поголема посетеност во однос на минатата година, но и многу новитети кои Вевчани ќе го раздвижат неколку дена. Карневалот годинава ќе започне на 10, а ќе заврши на 14 јануари. Доколку сместувачките капацитети не ги задоволат барањата на посетителите, тогаш на располагање ќе им бидат оние во Струга и Охрид. Темелковска вели дека се работи на интензивна промоција на карневалот во соседните држави.

„Официјално се пушти во промет официјалната фан страна која е двојазична и за која е платена реклама во соседните држави. Изненадувачки е фидбекот и за само една недела имаме 8000 фанови, од кои 20 отсто се странци кои покажуваат интерес за карневалот. Започнуваме и со промотивна кампања која ќе биде проследена и во соседните држави на Балканот“, рече Темелковска.

Градоначалникот Угриноски најави дека општината наскоро ќе го отвори и музејот на маски во Вевчани.

Вевчанскиот карневал според официјални документи се одржува веќе 1450 години. Оваа година ќе биде избрана најдобра групна маска на која ќе ѝ биде подарено буре црвено вино, исто како порано. Годинава карневалот ќе се одржува под слоганот „Биди и ти вистински Василичар“.
XS
SM
MD
LG