Полицијата употребила шок бомби и солзавец, за да растутри сторици работници, кои се собраа на паркингот на стадионот „Моузес Мабхида“ во Дербан, само неколку часа откако Германија ја победи Австралија со 4:0. Засега не се соопштува ништо за повредени или за апсења. Еден од демонстрантите за странски репортери изјавил дека им биле ветени по 195 долари на ден, а добиле само по 25 долари. Друг работник кажал дека организаторите не им обезбедиле транспорт по натпреварите и оти требале да одат пеш четири часа.
Вооружени полицајци изутринава растуриле протест на вработените на еден од стадионите на Мундијалот во Јужна Африка. Вработените бараа повисоки плати.
