Достапни линкови

Политиката ги скара пензионерите


И натаму продолжуваат превирањата во Здружението на пензионери во Битола. Дел од пензионерите обвинуваат дека во здружението се подготвува изборен фалсификат со цел досегашниот претседател Гавро Пановски да си обезбеди уште еден мандат. Пановски, пак, вели дека обвинувањата имаат политичка заднина.

Превирањата во Здружението на пензионери во Битола продолжуваат. Пропадна изборното Собрание за ново раководство, откако дел од присутните го напуштија, а на други не им беше дозволено да влезат. Формиран е иницијативен одбор кој обвинува дека постапката за избор на делегати за собранието се одвивала нестатутарно со цел досегашниот претседател да си обезбеди уште еден мандат.
Се спрема изборен фалсификат за господинот Гавро Пановски да може да добие петти мандат. Во десет урбани заедници се направени изборни фалсификати.


„Се спрема изборен фалсификат за господинот Гавро Пановски да може да добие петти мандат. Во десет урбани заедници се направени изборни фалсификати. Истите луѓе се 15 години претседатели на одборите, тоа е негова пешадија која треба да му овозможи уште еден мандат.“

„Се крши статутот во делот на изборната процедура по сите основи. Нема објави за денот, местото, начинот и времето каде истите ќе се одржат, тоа значи дека пензионерите не се известени воопшто за изборите како би можеле да го дадат својот глас за делегати и челенови на одборите. Се спроведуваат избори со тоа што се повикуваат неколку души по паркови, згради, влезови и се подготвуваат фиктивни заклучоци“, реагираат панзионерите.

Тие со забелеши како досегашниот претседател Гавро Пановски управувал со парите и имотот на здружението.
Мене ми се декларираа тука луѓе дека биле од партијата на ВМРО-ДПМНЕ.

„Овој деловен простор е купен со парите на нас пензионерите, а издаден е за закупнина од нула денари. Закупопримачот треба дас плаќа само парно и вода за трите канцеларии на спратот“, вели Кочо Созовски.

Според претседателот Гавро Пановски обвинувањата имаат политичка позадина. Тој се сомнева дека некој сака да ги земе парите со кои располага здружението околу 39 милиони денари и месечен прилив од 320 илјади денари.

„Мене ми се декларираа тука луѓе дека биле од партијата на ВМРО-ДПМНЕ. Јасно ми е кој сака да ги земе парите зашто знам кој конечно успеа и покрај одлуките на Уставниот суд дека парите од Солидарниот фонд се на пензионерите и никој не смее да ги гиба понатаму. Покрај две одлуки на Уставниот суд, што е ноторно ги зедоа парите.“

вели Пановски.
  • 16x9 Image

    Жанета Здравковска

    Родена во Битола на 15.01.1977 година. Дипломирала на Педагошкиот факултет во Битола во 1999 година, а магистерски студии завршила на постдипломските студии по менаџмент на човечки ресурси на Институтот за социолошки и политичко- правни истражувања во Скопје. Работела како новинар во повеќе локални редакции во Битола, а за Радио Слободна Европа известува од 2002 година. 

XS
SM
MD
LG