Достапни линкови

Кремљ се потресува кога постарите извикуваат „Револуција“


Ана Володина веќе 10 години е членка на опозициската партија Јаболко

Најголемиот дел од повозрасните Руси го поддржуваат Путин и на пензионерите неистомисленици гледаат како да се “луди“. Мал е бројот на постари кои одат на протести со продемократското движење во Русија, но Кремљ се потресува кога гледа како пензионери викаат „револуција“. Ова се некои од нивните приказни. Пишуваат: Јулија Парамонова и Роберт Коалсон

Пјотр Зујев, пензионер со дијабетес од Калининград, знае за опасностите со кои се соочуваат постарите лица поради активното учество во руското про-демократско протестно движење, пишува на редакцијата на Радио Слободна Европа на англиски јазик (РСЕ).

На 9 мај, Зујев го прослави својот 75-ти роденден на одделот за инфективни болести во затворската болница во градот на брегот на Балтичкото Море, додека одлежа 15-дневен административен притвор за учество во протестите претходниот месец. Тој бил позитивен на тестот за КОВИД-19 додека бил во затвор.

„Веќе неколку пати ме обвинуваа“, рече Зујев за РСЕ. „Претпоставувам дека биди со мене до последните денови“.

Меѓу најлојалните приврзаници на авторитарниот претседател Владимир Путин се генерално повозрасни луѓе. Според анкетата на Центарот „Левада“ од 13 мај, повеќе од половина од Русите постари од 55 години гледаат негативно на демократските демонстранти во земјата, во споредба со само 21 процент во возрасната група од 18 до 24 години и 31 процент кај оние на возраст од 25 до 39 години. Друго истражување на Левада покажа дека 60 проценти од луѓето постари од 55 години сметаат дека одлуката на судот во април да го испрати лидерот на опозицијата Алексеј Навални во затвор две и пол години е „фер“.

Истражувањето на Левада од 2018 година покажа дека 89 проценти од луѓето постари од 55 години се информираат пред се од државно контролирана телевизија, наспроти 49 проценти во возрасната група од 18 до 24 години.

Малку пензионери тропаат на саксии и извикуваат „револуција„

Сепак, постојат исклучоци од оваа шема кога одредени прашања влијаат на интересите на пензионерите. Во 2005 година, пензионерите водеа голем бран протести низ целата земја за контроверзната реформа во врска со нивните социјални бенефиции. Владата на Путин е потресена од сцените на стари луѓе кои тропаат на саксии и викаат „револуција“.

Некои постари Руси се приклучија на протестите во 2018 година поради потегот на владата за зголемување на возраста за пензија, организиран од прилично геријатриската Комунистичка партија на Русија, повторно марширајќи под паролите Путин да се повлече.

Генерално, движењето за демократија во Русија и борбата за основни граѓански слободи имаат малку симпатии кај постарите лица. Имаше неколку забележителни исклучоци, како на пример во декември 2009 година, кога полицијата за немири во Москва брутално се однесуваше кон тогаш 82-годишната дисидентка Људмила Алексеева на протест со барање за право на мирно собирање, додека фотографиите од инцидентот го шокираа светот.

Највозрасната руска активистка за човекови права, Људмила Алексеева, на протест против законот на невладини организации пред руската Дума на 29 мај 2015 година. Таа беше приведувана на протести уште во 2009 година. Почина во 2018 година
Највозрасната руска активистка за човекови права, Људмила Алексеева, на протест против законот на невладини организации пред руската Дума на 29 мај 2015 година. Таа беше приведувана на протести уште во 2009 година. Почина во 2018 година

„Путин е крадец!“

Петар Зујев од Калининград, пензиониран хор-директор, е очигледен исклучок кој стана нешто како славна личност во пристанишниот град. Тој со години беше редовен учесник во демократските демонстрации. Тој излезе како поддршка на оние кои се сметаат за политички затвореници и им се придружи на локалните протести за поддршка на неонатологот Елина Шушкевич, која е обвинета за намерно убиство на предвремено бебе во 2018 година, а беше ослободена во декември 2020 година.

Тој беше приведен за време на протестите за поддршка на Шушкевич во јуни 2019 година, кога носеше постер со натпис: „Целиот систем треба да се замени, а Навални е изведувач“. Подоцна беше казнет со 150.000 рубљи (тогаш околу 2.100 евра).

Во февруари, тој беше казнет со уште 180.000 рубљи (околу 2.000 евра) за учество во демонстрациите на 31 јануари за поддршка на Навални, кој беше уапсен во Москва по враќањето од Германија по лекувањето за труење со нервен агенс, за кое опозицискиот лидер обвинува агенти на Федерална безбедносна служба, кои постапувале по наредба на Путин.

Судските службеници започнаа да земаат половина од месечната пензија на Зујев од 15.000 рубљи (околу 170 евра). Иако Зујев собра доволно средства со „краудорсинг“ за да ги плати своите казни и да плати повеќе од 200.000 рубљи за да плати казни на други активисти, тој сепак го отплаќа својот пензиски долг на месечно ниво.

„Тои ќе ги земаат парите додека не умрам. Сопругата и јас решивме да не ја плаќаме целата сума ... Ако платам, а потоа се појавам на други демонстрации, тие повторно ќе ме казнат. Нема да има крај на тоа“, рече тој.

Петр Зујев, поранешен хор-директор од Калининград, секој месец од својата пензија плаќа дел како казна за учество на протести
Петр Зујев, поранешен хор-директор од Калининград, секој месец од својата пензија плаќа дел како казна за учество на протести

Во неговиот последен судир со законот, Зујев беше извлечен од толпата на демонстрациите на 21 април, барајќи Навални да биде прегледан од неговите лекари додека беше во затвор. Тој за РСЕ изјави дека му пришол агент за безбедност во цивилна облека, му се обратил по име и го однел до полициското комбе.

„Тие веќе имаа список кого да приведат“, рече Зујев.

Во полицискиот извештај против него стои: „Зујев извика: „Путин е крадец“.

„Па што? Не ја вознемирував јавноста и не пцуев. Ако имаше 250 демонстранти, како што изјави полицијата, тогаш токму јас бев уапсен? На крајот, излезе дека Путин е крадец, но јас одам во затвор“, рече Зуев.

Регрутирање на затвореници

Тој и уште четворица активисти од демонстрациите на 26 април започнаа со издржување на казната од 15 дена. По еден ден, Зујев се разболе, со зголемување на нивото на шеќер во крвта и висока температура. Првично беше прегледан од лекар, му дадоа малку аспирин и го вратија во затвор.

„Целта на затворот е морално да ги разбива луѓето. Целата атмосфера е склона кон тоа ... Психолошки, тоа е многу тешко“, рече Зујев.

Меѓутоа, додека беше во затвор, тој помина време обидувајќи се да преобрати цимер од ќелија, кој беше казнет за пиење на јавно место.

„Целосно го регрутирав“, рече низ смеа Зујев и додаде: "Нашите семејства станаа пријатели. Тој ми се јави и ми рече дека ќе оди со мене на следните демонстрации."


„И тој вети дека никогаш повеќе нема да гласа за Единствена Русија“, вели Зујев, мислејќи на владејачката партија, која е средство на Путин за одржување на монопол на моќ на сите нивоа на власт.

Во стегите на телевизијата

Затворската казна на Зујев заврши на 11 мај, но тој остана во болницата уште неколку дена се додека вториот ковид тест не беше негативен. Тој верува дека резултатот од првиот тест бил лажен и е благодарен што исходот не бил многу полош.

Тој рече дека повеќето од неговите пријатели на негова возраст немаат разбирање за неговиот поглед на политиката.

"Постојат некои кои се против Путин", рече тој, "но повеќето немаат доволно здравје или безгрижност. Телевизијата ги зафати нивните животи и ретко кој користи Интернет. И тоа прави огромна разлика. Луѓето се измамени. Секој збор на телевизија е лага ".

„Но, не се плашам за себе“, додаде тој. "Живеам според принципот: Прави што треба да сториш и ќе биде што и да е. А моето семејство ме поддржува".

„Немам од што повеќе да се плашам“

Ана Володина е 85-годишна пензионерка во градот Псков во северозападна Русија со приказна слична на Зујев. Во последниве години, таа активно протестираше, велејќи: „Немам од што повеќе да се плашам“. Десет години е член на либералната партија Јаблоко.

Ана Володина на протест во Псков
Ана Володина на протест во Псков


Таа се наежува на сугестиите дека Путин е незаменлив и како можни наследници ги наведува Навални, поранешниот нафтен тајкун Михаил Ходорковски, поранешниот градоначалник на Екатеринбург, Евгениј Роизман и либералниот пратеник во регионалното собрание на Псков, Лев Шлосберг.

„Откако се преселив овде, случајно го сретнав Лев Шлосберг“, рече таа за РСЕ. "Среде целата омраза и лаги, тој беше како здив на свеж воздух. Тој е човек на иднината. Псков треба да биде многу горд на него, но тој е практично непознат. И многу од оние што слушнале за тој зборува лоши работи за него “.

Володина исто така рече дека повеќето луѓе на нејзина возраст не се согласуваат со неа, што бе здвоумење ѝ ги припишува на телевизијата контролирана од државата.

„Познавам многу луѓе“, рече таа. "И никој не размислува како мене. Јас не сум се скарала со нив, но не сакам да сум во контакт со нив. Некои од нив се навредени и сметаат дека сум луда. Сите мислат дека Путин е најголемиот претседател".

„Понекогаш гледам државна телевизија ... да видам што гледаат луѓето“, рече таа и додаде: „Понекогаш сакам да го скршам телевизорот“.

XS
SM
MD
LG