Достапни линкови

Вила во Турција, школо во Швајцарија, бентли... Пратеникот кој прима само плата


Леонид Слуцки

Претседател на руската Комисија за надворешна политика се поврзува со серија обвинувања за сексуално вознемирување, а истражувањето на РСЕ покажува дека овој гласен патриот, Леонид Слуцки живее многу полуксузно одошто тоа го овозможува приходот што го пријавува. Автори: Марк Крутов и Сергеј Добринин

Во ходниците и салите на Руската државна Дума, Леонид Слуцки е познат како гласен патриот и авторитетен претседател на Комисијата за надворешна политика. Тој е вториот човек во хиерархијата на националистичката Либерално-демократска партија. Слуцки беше погоден од американски финансиски санкции поради анексијата на Крим во 2014 година. Неговото име е поврзано и со серија обвинувања за сексуално вознемирување од страна на неколку новинари кои известуваат за работата на рускиот парламент.

Новата истрага на Радио Слободна Европа покажува дека Леонид Слуцки води многу поскап живот отколку што дозволува неговиот официјален приход. Профилот на неговата 11-годишна ќерка на социјалните мрежи, како и други извори, открива дека во последните три години Слуцки и неговото семејство поминале значително време во луксузна вила на плажа во југозападна Турција.

Една од илустрациите од истражувањето на РСЕ за Леонид Слуцки
Една од илустрациите од истражувањето на РСЕ за Леонид Слуцки

Неговата ќерка живее таму во поголемиот дел од последните 12 месеци. Од 1 септември, ќерката на Слуцки посетуваше приватно американско училиште во Швајцарија, кое чини 88.000 долари годишно.

Откритијата на рускиот сервис на Радио Слободна Европа додаваат повеќе детали за животот на Слуцки, кои очигледно не одговараат на неговиот биланс на приходи. За 2020 година тој има пријавено приход од 77 илјади долари, а неговата сопруга - 3500.

Не може да одговори на новинарски прашања поради изборниот молк

Слуцки не одговори на прашањата што Радио Слободна Европа му ги испрати по е-пошта. Неговиот секретар во кабинетот во парламентот рече дека ќе се јави. За време на вториот повик, таа обезбеди мобилен број на асистентот на Слуцки, кој исто така објасни дека заменикот не може да зборува поради „предизборниот молк“. Следните избори за Државната дума ќе се одржат од 17 до 19 септември.

Во 2018 година, веднаш по обвинувањата за сексуално вознемирување, Слуцки даде интервју за списанието „Сноб“.

"Не купувам луксузна стока. Претпочитам да ги трошам парите за посериозни работи. На пример, за обнова на црквите".

Кој е Леонид Слуцки

Слуцки беше избран за прв пат во Долниот дом на парламентот во 2020 година. Тој долги години беше во сенка на скандалозниот лидер на Либерално -демократската партија, Владимир Жириновски.

Кога во мај 2014 година руските војници ја преземаат контролата врз украинскиот полуостров Крим, Москва организира референдум за оправдување на анексија. Слуцки беше еден од пратениците санкционирани од Западот веднаш потоа.

Следната година, тој учествуваше во организирање на посета на Крим од страна на неколку западни политичари со симпатии кон Западот. Резултатите од референдумот не ги признаваат речиси сите земји во светот.

Допирање новинарки

Во февруари 2018 година четири новинарки што известуваа за работата на парламентот го обвинија Слутски за сексуално вознемирување и рекоа дека ги допрел без дозвола.

Обвинувањата предизвикаа скандал во Русија, каде што таквото вознемирување е вообичаено и обично не се истражува. Етичкиот комитет на Дума заклучи дека Слуцки нема „неприфатливо однесување“.

Десетина новински редакции ги повлекоа своите новинари од Думата во знак на протест.

Скапа школарина, „бентли“, лобирање

Во исто време, веб-страницата Медуза со седиште во Летонија објави дека Слуцки и неговата сопруга ја испраќаат својата помала ќерка, Лидија, во едно од најскапите приватни училишта во Русија.

Во 2018 година Антикорупцискиот фонд на Алексеј Навални откри дека сопругата на Слуцки купила автомобил Бентли Мулсан, кој на Запад се продава за повеќе од 300.000 долари. Според организацијата на Навални, купувањето е финансирано со бескаматен заем од 25 милиони рубли (440.000 американски долари), доделен од азербејџанскиот милијардер Мардахаи Јушваев.

Според Навални, заемот има врска со лобирање за интересите на Јушваев во градежниот бизнис во Москва преку пратеникот Владимир Ресин, близок до поранешниот фармер Јуриј Лужков. Ресин исто така беше накратко вршител на должноста градоначалник на Москва, откако Лужков беше отпуштен во 2010 година.


Истрагата на Навални откри дека Мерцедесот во сопственост на Слуцки бил „фатен“ 825 пати за само една година во сообраќајни прекршоци, од кои повеќето биле за возење во спротивна насока. Слуцки не ги плати казните и го призна ова во истото интервју за „Сноб“.

„Шесто сетило“ кај Бодрум

Радио Слободна Европа прегледа илјадници објави на социјалната мрежа Тикток од Лидија Слуцк од 2019 година до денес. Профилот беше јавен до неодамна. Откако руската верзија на оваа истрага беше објавена на 2 септември, профилот сега е затворен.

Објавите содржат многу внатрешни и надворешни фотографии и описи на луксузен комплекс во близина на Бодрум, на егејскиот брег на Турција. Одморалиштето е наречено Шест сетила Капланкаја и е изградено од бизнисменот Сержан Жумашов, еден од најбогатите луѓе во Казахстан.

Видео снимката и фотографиите покажуваат дека сопругата и ќерката на Слуцки, Лидија, поминуваат значително време таму од 2019 година. Само една од вилите во комплексот, каде што престојуваше Лидија во јули 2019 година, чини 3 милиони евра, според веб-страницата за продажба на одморалиштето.

Други видео снимки покажуваат дека Лидија Слуцка живеела речиси постојано во вилата од октомври 2020 година до април 2021 година. Радио Слободна Европа не можеше да утврди дали вилата е во сопственост на Слуцки или на некој друг. Помала вила во близина се издава за 2.600 долари од ноќ.

Пансион за 100 илјади евра

Многу од објавите на Лидија Слуцка на социјалната мрежа ги прикажуваат нејзините училишта и летни кампови, вклучувајќи го и училиштето „Претседател“ во елитната московска област Жуковка, каде месечната претплата изнесува околу 2.500 долари.

Лидија, исто така, се фали дека била на летен камп во меѓународно училиште во Швајцарија, каде што се надева дека ќе ги продолжи студиите. Станува збор за Ле Розеј, кој е меѓу најскапите училишта во светот, а годишната такса е околу 100 илјади евра.


Во 2020 година „Отворени медиуми“ објави дека најмалку двајца од синовите на рускиот премиер Михаил Мишустин учат во елитниот пансион.

Во почетокот на август, Лидија покажа како да се подготви за приемни испити во Американското училиште во Швајцарија, исто така, школа за полно работно време, каде што хонорарот е близу 100.000 евра годишно.

Фалби за швајцарски пасош, колекциија скапи патики, пакет со долари...

Во една од нејзините последни објави на ТикТок, Слуцка објави видео во кое носи униформа на споменатото училиште во Лугано. Таа се пофали дека очекува да добие швајцарски пасош за неколку години.

Во друго видео, Лидија Слуцка ја покажува својата колекција скапи патики и држи пакет со американски банкноти од по 100 долари.

На 8 јули беше поставено видео на кое се гледа како самиот Леонид Слуцки стои пред приватен авион на аеродромот во Внуково, очигледно на пат за Турција.

„Најдобриот пријател на тато“

Други видеа од профилот на „Тикток“ додаваат докази за откритијата на другите руски медиуми за Слуцки - дека тој е тесно поврзан со азербејџански бизнисмен, дел од градежната компанија „Плоштад Киевски“ од Москва.

Компанијата изгради еден од најголемите трговски центри во Москва и е под контрола на милијардерот по име Год Нисанов, опишан од истражувачкото издание Проект како „цар на рускиот имот“.

Видео снимката од профилот на ТикТок се гледа дека Лидија Слуцка го нарекува Нисанов „чичко“ и „најдобриот пријател на тато“.

XS
SM
MD
LG