Достапни линкови

Ауспухот до кафеанските маси – мириса на пролет во Скопје


Илустрација

Летните бавчи на кафеаните отворија, улиците пред нив се наполнија со паркирани автомобили. Скопско Дебар Маало е речиси непроодно од паркирани коли. Боемштината нема многу заедничко со дишењето од ауспух, коментираат граѓаните на социјалните мрежи.

Овошките расцветаа, птиците пеат на гранките, автомобили се паркираат на среде улица во скопско Дебар Маало. Недостига уште турирањето на спортски мотори по Партизанска во сред ноќ за ова да заличи на една нормална скопска пролет.

По намалувањето на бројот на заразени со коронавирус, владата донесе одлука за олабавување на рестриктивните мерки за контрола на пандемијата. По три недели, на кафеаните сега им е дозволено да работат во отворените делови, односно на летните бавчи. Се чини како граѓаните да го чекаа отворањето во низок старт.

Други забележуваат дека боемштината нема многу со паркирањето на автомобилите на сред улица.

Други иронизираат дека нема многу југовци за полицијата да може да покаже дека правната држава функционира.

Моторџиите сепак останаа со покус ауспух. Полицискиот час наместо од 20, почнува од 21 часот, па не можат во 2 по полноќ да турираат на семафори.

Од вчера, до 15 мај, забраната за движење ќе почнува во 21 и ќе трае се до 5 часот наутро. Полициски час нема да има вечерта на 1 кон 2 мај, за верскиот празникот Велигден, како и меѓу 13 и 14 мај, за верскиот празник Рамазан Бајрам. Кафеаните може да работат во отворените делови до 20:30 часот.

  • 16x9 Image

    Срѓан Стојанчов

    Новинарската кариера ја започна како новинар во внатрешно-политичката рубрика на дневниот весник Шпиц во 2008 година. Роден е на 27.10.1981г. во Скопје. Од февруари 2009 работи како постојан дописник за Радио Слободна Европа од Скопје.

Трендинг

Трендинг е седмична рубрика на Радио Слободна Европа на македонски јазик, во која автентично ви пренесуваме дел од највпечатливите коментари на социјалните мрежи за одредена тема. Пренесените коментари се мислења или ставови на авторите на коментарите и не се дел од уредувачката политика на РСЕ.

Повеќе
XS
SM
MD
LG