Вести
Грција разговара со десет земји за сертификатот за вакцинација
Грција разговара со десет земји, на билатерално ниво, за сертификат за вакцинација, соопшти министерот за туризам на Грција Харис Теохарис. Грчките власти разговарале со Велика Британија, САД, Австралија, Србија, Русија, Украина, Кина, Обединетите Арапски Емирати и Саудиска Арабија.
Теохарис вели дека дигиталниот сертификат за вакцинација на билатерално ниво ќе биде една од главните алатки преку кои ќе може да се отвори протокот на туристи со разни земји.
За можноста да постои договор во рамките на ЕУ, министерот за туризам на Грција објаснува дека е позитивно тоа што грчкиот предлог добива сè повеќе сојузници во Унијата и истакнува дека Грција го задржува правото сертификатот за вакцинација да биде алтернатива на негативниот тест.
„За да ги расчистиме заблудите, треба да разјасниме дека овој сертификат нема исти карактеристики како еден вид пасош, па затоа не се покренува прашање за задолжителна вакцинација за оној кој сака да патува. Напротив, целта е да се отстрани дел од бирократијата, како што е негативниот тест пред поаѓањето. Во однос на дискусиите околу личните податоци, наједноставниот одговор е и најубедлив. Не постои обврска да се покаже потврдата за вакцинација, секогаш постои алтернативата со негативен тест за секој што сака да патува“, објаснува министерот за туризам на Грција.
Во меѓувреме, грчката Влада за уште две седмици, до 8 март 2020 година, ја продолжи одлуката за ограничување на копнените граници и забраната за влез во Грција на државјани на трети земји.
Станува збор за мерките што веќе 11 месеци се продолжуваат за да се ограничи ширењето на коровирусот.
Вучиќ: Ако Косово мисли дека нема потреба од дијалог, немам проблем со тоа
Белград, 21 февруари 2021 (МИА) -Србија знае кои се нејзините национални и државни интереси и ќе продолжи да се бори за својот народ, и неговите права, без оглед на тоа што ситуацијата е скоро безнадежна, изјави денеска претседателот на Србија, Александар Вучиќ, на прашањето да прокоментира дали Србија има одговор на новите притисоци од Приштина и Вашингтон и најавите за нова платформа за продолжување на дијалогот.
-Немате адекватен одговор, гледам дека Албин Курти ја решава и нашата внатрешна ситуација и зборува за тоа како треба да изгледа Србија и кој треба да биде на власт. Застанете, молчете, пуштете ги, сите тие се силни и паметни. Ние ќе ги пуштиме, нека си ја работат својата работа, а ние ќе ја работиме нашата, изјави Вучиќ пред новинарите на аеродромот Никола Тесла при пристигањето на 150.000 дози на вакцината АстраЗенека.
Тој подоцна на аеродромот на новинарите им изјави дека дијалогот и разговорите со Приштина се најважни за Србија, но доколку тие сметаат дека тоа не е потребно, и дека на тој начин ќе ги решат своите проблеми, тој кажа дека нема проблем со тоа.
Во врска со изјавта на Курти дека не е заинтересиран за дијалог со Белград, туку со Србите на Косово, Вучиќ забележа дека претставници на Србите од Косово не се оние што добиваат 0,62 или оние што добиваат два отсто, туку оние што добиваат 95 отсто. Тие се обидоа на секој начин да инсталираат Срби со кои сакаат да разговараат, од Рашиќ до Рада Трајковиќ, па не успеаја во тоа. Можете да купите некого, но не и 95% од луѓето, истакна Вучиќ.
Тој исто така посочи дека оваа ситуација е исклучително тешка за Србија, скоро безнадежна, по 2004, 2008 и 1999 година, но дека сè уште треба да се бори за својот народ, неговите интереси и права, и додаде дека ќе се види колку долго и како.
-Ќе биде тешко за нас, а ним, како што велат, сè им е лесно. Ќе видиме колку тоа лесно ќе биде, заклучи Вучиќ. Во поголемите градови во Бугарија најави за отворање деноноќни пунктови за вакцинација
Софија, 21 февруари 2021 (МИА) – Од понеделник во Бугарија ќе бидат отворени 24 часа пунктови за вакцинација. Тоа го најави денеска министерот за здравство на Бугарија Костадин Ангелов.
– Се зависи од вас. Благодарение на оние кои веруваат во науката има долги редици луѓе. Ќе отвориме деноноќни пунктови за вакцинација во градови во државата, изјави тој.
Вакцинацијата во Бугарија се одвива втор ден и во сите поголеми градови има редици од луѓе кои сакаат да ја примат вакцината. Количините од Фајзер/Бионтех се потрошени и сега се вакцинира со АстраЗенека, јави дописникот на МИА.
Втор ден во сите поголеми градови во Бугарија, луѓето се редат во огромни редици за да ја добијат првата доза на вакцина против Ковид-19.
Според државниот санитарен инспектор во Пловидв антиваксери се обидуваат да спречат вакцнирање со тоа што се пријавуваат на листите, а потоа не доаѓаат. нк/
види ги сите денешни вести
Државата со мала заработка од концесиите за рудници, утврдиле ревизорите
Само 45 милиони евра наплатила државата од концесиски надоместок за експлоатација на минерални суровини од 348 концесии доделени на 257 концесионери во период од 2018 до 2022 година, покажуваат податоците од последниот ревизорски извештај.
Концесионерите доцнат со уплата на надоместоците, а дел од нив самоиницијативно ги прошириле границите на концесиските површини, утврдиле ревизорите.
Во однос на експлоатацијата на мермерот кој е во фокус на извештајот, ревизорите утврдиле дека државата од надоместок на концесија добила само 1,7 милиони евра од 29 концесионери на мермер. Тоа е само еден отсто од приходите кои ги остварува концесионерот со продажба на минералната суровина.
„Остварените надоместоци во корист на државата од експлоатација на најквалитетниот мермер во износ од 103.248.000 денари или 1,7 милиони евра за периодот од 2018 до 2022 година претставуваат 1 отсто од остварените приходи од продажба на концесионерот“, заклучува ревизорот.
Во ревизорскиот извештај „Ефикасност на постапките за доделување на правото за вршење на експлоатација на минерални суровини и реализација на склучените договори, со посебен осврт на мермерот“ е наведено дека со утврдениот начин на пресметка на надоместоците за експлоатација на минералните суровини не ги одразува реалните продажни цени кои ги остваруваат концесионерите и не придонесува за правично и рамноправно оптоварување на концесионерите..
Ревизорите утврдиле дека 2 концесии за ископ на минерални суровини експлоатирале надвор од дозволата за експлоатација што ја поседуваат концесионерите на вкупен простор од 9.989 квадратни метри.
„Тоа создава ризик концесионерите да не го пресметуваат и плаќаат надоместокот за експлоатираните количини надвор од експлоатационото поле“, наведуваат ревизорите.
Со извршената ревизија, ревизорите утврдиле и дека на национално ниво не е донесена долгорочна стратегија за оптимално искористување и управување со минералните суровини повеќе од 11 години, а активностите за нејзино изготвување се започнати во 2022 година, со рок на донесување до април 2024 година, додека законската регулатива која ја третира предметната област е изложена на чести измени и дополнувања, а одредени одредби не се доволно јасни и прецизни што создава несигурност при нивна примена.
„Базите на податоци на Министерството за економија и катастарот на
минерални суровини што го води Геолошки завод не обезбедуваат јасен и
целосен преглед на состојбите со минералните суровини врз основа на кој
ќе се вршат анализи со цел водење активна политика во однос на
оптималното искористување на минералните суровини“, се вели во извештајот.
Со последната одлука на Собранието со која се одобрува реорганизација на Владата, е предвидено укинвање на Геолошкиот завод како засебно самостојно тело, кое веројатно ќе се интегрира во ново Министерството за енергетика, рударство и минерални суровини, сектори кои досега беа под надлежност на Министерството за економија.
Лидерите на Г7 договорија заем за Украина од замрзнатите руски средства
Лидерите на Групата седум (Г7) договорија заем од 50 милијарди долари за Украина користејќи ги замрзнатите руски средства како колатерал, бидејќи Велика Британија и Канада исто така одделно најавија нова финансиска и воена поддршка за Киев.
Дипломатите потврдија за новинската агенција Асошиетед прес дека е постигнат договор пред лидерите да слетаат во јужна Италија на 13 јуни на високо очекуваниот тридневен самит.
Канада која е дел од групата седум најразвиени економии, на 13 јуни објави дека ја испраќа својата прва испорака на нови оклопни возила во Украина. Канадскиот министер за одбрана Бил Блер рече дека украинските војници ќе бидат обучени да ги користат во текот на летото.
Дополнително, Британија соопшти дека ќе објави хуманитарна помош за Украина во вредност од 242 милиони фунти (309,5 милиони долари) за време на самитот, на кој се собираат лидерите на седум од најбогатите земји во светот.
Претходно, на 12 јуни, Вашингтон најави дека ќе обезбеди уште еден ракетен систем Патриот како одговор на молбите на Украина за поголема противвоздушна одбрана бидејќи разорните руски напади ја одржуваат земјата на работ и ја десеткуваат нејзината енергетска мрежа, принудувајќи го Киев да увезува рекордни количини на енергија.
Германија на 11 јуни, исто така, вети дека ќе испрати систем Патриот, заедно со самоодни противвоздушни пушки Гепард и систем за воздушна одбрана IRIS-T.
Самитот на Г7 започнува еден ден откако Русија уби најмалку девет лица во смртоносниот напад на украинскиот град Кривиј Рих, родниот крај на украинскиот претседател Володимир Зеленски.
Украинската влада на 13 јуни соопшти дека земјите од Г7 одделно се согласиле да обезбедат повеќе од една милијарда долари за поддршка на енергетскиот сектор на Украина.
Судскиот процес против руската режисерка и драматург зад затворени врати
Судскиот процес против руската режисерка и драматург обвинети за тероризам ќе се одржува далеку од очите на јавноста. Московскиот суд донесе одлука судскиот процес да продолжи „зад затворени врати“, затоа што сведокот предложен од обвинителството „добил неодредени закани“.
Судењето беше затворено на барање на обвинителката Екатерина Денисова, која изјави дека еден од сведоците добил закани откако бил сослушан во судот.
Станува збор за судски процес против театарската режисерка Евгенија Беркович и драматургот Светлана Петричук, кои беа приведени минатиот месец по премиерата на нивната претстава „ Финалист - Храбриот сокол“ во која се обработува тема за две Русинки кои се омажиле за мажи муслимани припадници на Исламската држава, која е препознаена како терористичка група и се преселиле во Сирија.
Двете обвинети во судницата тврдат дека се невини по обвинението. Нивните адвокати протестираа по одлуката на судот.
Нивната продукција за претставата доби две Златни маски. Во знак на поддршка на Беркович и Петријчук, говореа познати културни дејци. Активистите за човекови права веруваат дека нивниот прогон е политички мотивиран.
Османи: Двете страни ја имаат исполнето суштината на Преспанскиот договор
Суштината на Преспанскиот договор, и Северна Македонија и Грција ја имаат исполнето – Грција за поддршка на евроатлантската интеграција, а Северна Македонија за прашањето за уставните измени и имплементација на името, смета министерот за надворешни работи во заминување, Бујар Османи.
„Не е коректна констатацијата дека Грција нема исполнета ништо. Столбот на грчките обврските од Преспанскиот договор е поддршка за НАТО и европската интеграција. Северна Македонија денеска е членка на НАТО затоа што Грција ја исполни својата обврска. Денеска Грција е еден од најголемите лобисти во Брисел за членство на Република Северна Македонија во ЕУ“, изјави Османи.
Заостанатите обврски, како што се меморандумите што треба да се усвојат од грчкиот парламент, меѓу кои и промена на таблите на патиштата, според министерот се „некаде на периферијата“. Според него, слични такви обврски има и Северна Македонија, како што се законските измени за имињата на Македонската академија на науките и уметностите (МАНУ) и Македонската радио-телевизија (МРТ).
„Истите аргументи што ние ги даваме дека не можеме да постигнеме консензус во парламентот, ги даваат и тие“, рече Османи.
Тој изрази надеж дека идната влада што ќе ја предводи ВМРО-ДПМНЕ ќе го почитува договорот. Изјавите од лидерот на оваа партија и мандатар за формирање на влада, Христијан Мицкоски, тој смета дека се „транзиција за да ја подготват јавноста“ за прифаќање на договорот.
„Не е веќе прашање на Преспанските обврски, туку на Уставот. Се дава само некакво очекување дека ако ’почнеме усно да го кажуваме (старото име) полека ќе се смени и писмено‘. Тоа нема да се случи. Зошто им давате такви очекувања на граѓаните? Кажете: ’Ние не сме го изгласале, ние бевме против. Овие предавниците го направија тоа и ние мора да го почитуваме‘. Тоа е фер однос кон државата“, коментираше Османи.
Османи, денеска (13 јуни) е домаќин на министерскиот состанок во рамки на Процесот за соработка во Југоисточна Европа (ПСЈИЕ), во кој учествува и Грција. Попладнето, пак, претседателката Гордана Сиљановска Давкова во рамки на истиот процес е домаќинка на Самитот на шефови на држави и влади.
Шефица на грчката делегација во Скопје денеска е заменик-министерката Александра Пападопуло. Попладнето, пак, на Самитот кај Сиљановска гостин ќе биде министерот Јоргос Герапетритис, но тој, како што објасни Османи, поради обврски ќе се задржи само два часа.
Османи со Пападопуло имаше билатерална средба, додека со Герапетритис разговарал телефонски. Засега нема информации дали грчкиот министер ќе одржи билатерална средба со претседателката Сиљановска Давкова.
Инаку, ова е прва посета на висок грчки функционер по низата прозивки меѓу Скопје и Атина околу Преспанскиот договор кои започнаа со некористењето на уставното име од страна на новата претседателка Сиљановска Давкова на нејзината инаугурација во Собранието на 12 мај.
Српскиот вицепремиер Вулин во Москва на средба со врвот на руските безбедносни служби
За време на официјалната посета на Москва, вицепремиерот на Србија, Александар Вулин, се сретна со високи претставници на Руската Федерација (РФ) од безбедносниот, воениот и политичкиот систем, соопшти владата во Белград на 13 јуни.
Во соопштието е наведено дека Вулин во Москва се сретнал со врвот на најважните безбедносни служби на Руската Федерација, Федералната служба за безбедност (ФСБ), Странската разузнавачка служба (СВР) и Федералната служба за заштита (ФСО).
Се додава дека тој претходно разговарал со секретарот на рускиот Совет за безбедност Сергеј Шојгу, рускиот министер за внатрешни работи Владимир Колоколцев, како и со претставници на Министерството за одбрана на Руската Федерација и раководители на воено-индустрискиот комплекс на Русија. .
„Вулин имаше успешни разговори и со заменик министерот за надворешни работи на Руската Федерација, Александар Грушка, од кого побара да му ја пренесе на министерот Сергеј Лавров својата благодарност за поддршката на Србија во Генералното собрание на Обединетите нации и гласањето против резолуцијата за Сребреница“, е наведено во соопштението на српската Влада.
На 23 мај, Собранието на Обединетите нации усвои Резолуција со која 11 јули се прогласува за Меѓународен ден на сеќавање на геноцидот во Сребреница, на чие усвојување, меѓу другите, се спротивставија и претставниците на Србија, Русија и Кина во Обединетите Нации.
Александар Вулин е под санкции од Соединетите Американски Држави, меѓу другото, поради неговите врски со Русија од јули 2023 година. Неговата посета на Москва е прво официјално патување на Вулин во Русија откако на 2 мај беше избран на функцијата вицепремиер на Владата на Србија.
Претходно, во април во Санкт Петербург, во својство на лидер на Социјалистичкото движење, се сретна со секретарот на Советот за безбедност на Руската Федерација, Николај Патрушев.
Од доаѓањето на Српската напредна партија (СНС) Александар Вучиќ на власт во 2012 година, Александар Вулин ги извршуваше функциите директор на Канцеларијата на Владата на Србија за Косово, министер без ресор задолжен за Косово, министер за труд и социјала. Заштита, министер за одбрана, министер за внатрешни работи.
Последната функција што ја извршуваше пред актуелната потпретседателска функција во Владата беше директор на Безбедносно-информативната агенција (БИА).
Оставката на чело на БИА ја поднесе на 3 ноември 2023 година, откако претходно САД во јули го ставија на листата на американски санкции поради наводна корупција, вмешаност во трговија со дрога и врски со Русија.
Украина бара забрана за учество на 4 руски и белоруски борачи во Олимпијадата во Париз
Националниот олимписки комитет на Украина го повика Меѓународниот олимписки комитет да го забрани учеството на три борачки од Русија и една од Белорусија на претстојните Олимписки игри во Париз поради нивната поддршка на руската агресија врз Украина.
Според украинскиот олимписки комитет, спортистките ја поддржуваат војната во Украина и руската диктатура, а исто така „не исполнуваат доволно критериуми за да добијат статус на индивидуален неутрален спортист“.
Минатиот месец руската борачка Динара Кудаева на социјалните мрежи на интернет објави фотографија од нејзиниот татко, кој им се приклучил на руските вооружени сили и бил убиен додека се борел против украинските војници.
Кудаева го нарече својот татко „мојот херој“ и побара од нејзините следбеници на социјалната мрежа Инстаграм да му одадат почит.
На две други руски борачи, Наталија Малишева и Олга Хорошавцева, како и белоруската борачка Ирина Корачкина, им се допадна нејзината објава. Корочкина оставила и коментар со зборови на поддршка.
Украинскиот олимписки комитет забележува и дека Корочкина учествувала во пропагандни настани во 2023 година заедно со Виктор Лукашенко, синот на Александар Лукашенко. И двете се санкционирани од Канада, ЕУ, САД, Австралија, Нов Зеланд и Велика Британија за поддршка на руската агресија.
ЕУ:Србија со лобирањето против Косово го прекршува Договорот
Европската унија (ЕУ) смета дека Србија го крши договорот на патот кон нормализацијата на односите со Косово со тоа што активно се занимава со спречување на членството на Косово во меѓународните организации.
„Договорот за патот кон нормализација е валиден и обврзувачки во целост и за Косово и за Србија. Ова го вклучува членот четири од овој споразум. Српското лобирање против Косово е јасно кршење на Договорот“, изјави портпарол на ЕУ Петер Стано на 13 јуни.
Ова е првпат Брисел јавно да потврди дека Србија во дијалогот го прекршува договорот постигнат со Косово.
Во февруари 2023 година Србија и Косово постигнаа договор за патот кон нормализација на односите. Во март истата година на средба во македонскиот град Охрид беше договорен анекс за имплементација на овој договор.
Во членот четири од договорот стои дека нема да се противи на членството на Косово во ниту една меѓународна организација. Но, ниту еден од договорите не беше потпишан бидејќи српскиот претседател Александар Вучиќ одби да го стори тоа.
Во меѓувреме, Србија активно се ангажираше против аспирациите на Косово да стане членка на меѓународните организации.
Оваа пролет во Србија беше формирана Работна група за спречување на приемот на Косово во Советот на Европа.
Косово не успеа да стане членка на најстарата европска организација бидејќи не ги исполни условите наведени од важните членки на оваа организација, а кои се однесуваат на процесот на формирање заедница на општини со српско мнозинство, што е обврска на Косово што сè уште не ја исполнува.
Запрашан да потврди дали взаемното признавање е целта на дијалогот за нормализација на односите меѓу Србија и Косово, портпаролот на ЕУ Петер Стано само изјави дека ставот на Брисел за ова прашање не е променет и, како што нагласи, „останува ист како што е е пренесено многупати во минатото.“ и како што е наведено во критериумите за пристапување“.
Сепак, тој додаде дека Србија секако не може да стане членка на ЕУ без нормализирање на односите со Косово.
„Сега Охридскиот договор всушност го предвидува тоа сосема јасно - ако нема напредок во нормализацијата, нема напредок во пристапувањето“, рече овој претставник на ЕУ.
Обврските на Србија кои произлегуваат од договорот во Охрид и формално станаа составен дел од преговарачката рамка во пристапниот процес меѓу Белград и Брисел.
ЕУ инсистира на принципот дека не може да прифати нови членки се додека имаат нерешени билатерални односи.
Европскиот суд пресуди во корист на РСЕ во случајот против Азербејџан
Европскиот суд за човекови права (ЕСЧП) на 13 јуни едногласно одлучи дека одлуката на владата на Азербејџан да го блокира пристапот до азербејџанскиот сервис на Радио Слободна Европа (РСЕ) претставува кршење на Конвенцијата за заштита на човековите права и основните слободи.
Азербејџанскиот сервис на РСЕ, познат како Азадлик, беше блокиран во 2017 година по пресуда на судот во Баку, во која се тврди дека на веб-страницата е објавена содржина која „промовира насилство и верски екстремизам“ и, меѓу другото, „повикува на масовни немири“.
Уште четири други медиуми (anaxeber.az, 24Saat.org, az24saat.org и xural.com), се приклучија на случајот на РСЕ покренат против Азербејџан пред Европскиот суд.
Овие четири медиуми беа обвинети за објавување „лажни, погрешни и клеветнички информации“.
РСЕ и другите тужители во нивната тужба наведоа дека одлуката за блокирање на нивните веб-страници е „екстремна“.
Тие тврдеа дека главната причина поради која биле забранети е нивната критика кон владата и известувањето за корупција.
Потегот за блокирање на азербејџанскиот сервис на РСЕ дојде откако РСЕ објави истражувачки стории за финансиски активности поврзани со членовите на семејството на претседателот Илхам Алиев и неговото потесно опкружување.
Истражувањето РСЕ го спроведе во соработка со Проектот за известување за организиран криминал и корупција (OCCRP) со седиште во Сараево.
За пресудата против РСЕ од судот во Баку во 2017 година, РСЕ реагираше дека владата прави „уште еден бесрамен обид“ да го „замолчи нашето известување во Азербејџан“.
Во одлуката од ЕСЧП се наведува дека азербејџанската влада треба да им исплати на секој од тужителите по 6.000 евра за отштета и други трошоци.
Претседателот Алиев ја презеде власта во оваа поранешна советска република кратко пред смртта на неговиот татко кој беше долгогодишен претседател, Хејдар Алиев, во 2003 година.
Тој ги отфрла постојаните критики на негова адреса што се упатуваат од групите за права и западните влади кои велат дека ги затворал критичарите со лажни изговори и ја злоупотребил моќта против неистомислениците.
О’Брајан и Лајчак разговараа за ситуацијата на Западен Балкан
Помошникот државен секретар на САД за европски и евроазиски прашања Џејмс О’Брајан и специјалниот пратеник на Европската унија (ЕУ) за дијалог Косово-Србија, Мирослав Лајчак, разговараа за случувањата на Западен Балкан и очекувањата во наредниот период.
Информацијата ја објави Лајчак, но повеќе детали за разговорот не се познати.
Лајчак наскоро ќе ја напушти функцијата специјален пратеник за дијалог и заминува на нова позиција. Сè уште не се знае кој ќе го наследи, бидејќи ќе се чека конституирање на новиот состав на Европскиот парламент по изборите што се одржаа од 6 до 9 јуни.
О’Брајан, кој често зборуваше за Балканот во изминатите месеци, на брифинг со новинарите во јануари ги поддржа напорите на ЕУ за дијалогот меѓу Белград и Приштина, предводени од Лајчак.
Тој потоа ги повика Косово и Србија да ги исполнат своите одговорности во рамките на процесот и додаде дека „има одреден напредок“ во последните месеци.
Во јануари, О’Брајан зборуваше и за ситуацијата на северот на Косово, за изборите во Србија, за идеите на Милорад Додик за отцепување на Република Српска, како и за руската инвазија на Украина.
Американскиот функционер ги повика Белград и Приштина да избегнуваат провокативни акции на северот на Косово во општините со мнозинско српско население. Тој посочи дека косовската полиција добро соработува со ЕУЛЕКС и НАТО и додаде дека комуникацијата со Белград овозможила смирување на ситуацијата на северот.
„Имаше чекори напред во дијалогот и справувањето со практични, секојдневни прашања како што се регистарските таблички и царинските документи“, рече О’Брајан.
Обидите на Милорад Додик (претседател на Република Српска, еден од двата ентитета на БиХ) да го оттргне вниманието од вистинските проблеми во Босна и Херцеговина со „националистички циркус“ не се во интерес на земјата, рече тогаш О’Брајан, говорејќи за ситуацијата во БиХ.
Во март, пак, О’Брајан рече дека САД ги следат сите случувања и очекуваат Србија и Косово да ги намалат тензиите. Србија знае дека употребата на сила против Косово би била неприфатлива, изјави тогаш американскиот функционер.
Во април тој го посети Белград каде разговараше за подобрување на изборните услови во Србија со претседателката на Собранието, Ана Брнабиќ, и истакна дека е важно што е започнат дијалогот со опозициските партии.
Српскиот претседател Александар Вучиќ на 16 мај во Котор на Самитот на лидерите од Западен Балкан изјави дека се сретнал со О’Брајан и разговарал за Косово и за Резолуцијата на ОН за Сребреница, која веќе била предложена, а подоцна, на 23 мај, усвоена од генералното Собрание на ОН.
Со резолуција, 11 јули, денот кога, според пресудата на Меѓународниот суд на правдата во Хаг, српските сили извршиле геноцид со убивање на повеќе од 8.500 Бошњаци во Сребреница, е прогласен за „Меѓународен ден на сеќавање и комеморација на геноцидот во Сребреница од 1995 година“.
Хил: Признавањето на Косово не е услов за влез на Србија во ЕУ, туку нормализација
Американскиот амбасадор во Белград, Кристофер Хил, изрази уверување дека формалното признавање на Косово нема да биде услов за влез на Србија во Европската унија (ЕУ), туку нормализација на односите со Приштина.
Во интервју за неделникот НИН од 13 јуни, Хил рече дека Европејците го прашуваат Белград „токму тоа што велат дека го бараат, а тоа е нормализација“ и додаде дека ЕУ сака мир и безбедност во регионот и секако меѓу Косово и Србија.
„Мислам дека тие многу јасно кажаа дека има членки на ЕУ кои не го признаваат Косово, така што вистинското прашање е да се обидеме да дојдеме до нормализација каде што тие граници нема да бидат граници што ги делат, туку граници што обединуваат, граници што навистина ги обединуваат“, изјави Хил.
Хил рече дека САД ги поддржуваат аспирациите на Србија да стане членка на ЕУ и се обидуваат да и помогнат „во тој потфат, бидејќи е сосема јасно дека Србија во иднина ќе биде дел од Европската унија“.
Тој додаде дека САД „многу јасно ставиле до знаење“ дека би сакале Србија да се приклучи на санкциите против Русија, но додаде дека Србија „исто така презела некои важни чекори за да и стави јасно до знаење на Русија дека не се согласува со агресијата што земја извршена против својот сосед“.
„Имаме многу добар дијалог со Србија. И, да, Србија презеде некои многу конкретни мерки за да и даде до знаење на Русија дека она што го направи во Украина не може да се одржи. И порано или подоцна Русија ќе мора да постигне мировен договор и да се повлече од Украина, па мислам дека добро се разбираме со Србија“, изјави Хил.
САД се „многу разочарани“ што во Владата на Србија повторно има две лица кои се под американски санкции - вицепремиерот Александар Вулин и министерот без ресор Ненад Поповиќ, посочи Хил во интервјуто.
Мултимедија
Најпосетени
Што треба да знаете